Begging
“A-ano ang mga ‘yan?” may pangangatal sa boses kong tanong kay Alonzo hindi magawang alisin ang tingin sa mga larawan.
Kahit parang may kutsilyong tumatarak sa puso ko, nanatili ang tingin ko roon partikular sa mga larawan ni Tim.
“That’s the crime scene. Delikado kung dadalhin kita mismo doon, kaya dito na lang kita dinala para makita mo kung anong kinahinatnan ng lalaking ‘yon.”
Malalim akong bumuntonghininga at kahit nanghihina ang tuhod ay tumayo ako at mas inilapit ang sarili ko ro’n.
I remember how mad I was at Tim that night. Kung gaano ko pinagsisihan na siya ang lalaking minahal ko. Kung paanong sa isang gabi nasira niya ang mga pangarap ko para sa aming dalawa.
Pero higit sa galit, ang pinakanaaalala ko ng gabing iyon ay ang sakit. It was the pain I knew I’d foreve
