His Past I
Eight years ago…
ALONZO
“Table 3! Ano ba’t kukupad-kupad ka Al? Paano, puro cellphone ang iniintindi mo!”
“P-pasensya na Boss, saglit ko lang naman sinilip ang cellphone ko–”
“Imbes na magpaliwanag ka pa diyan! Dalhin mo na nga ‘to sa table 3!”
Kinuyom ko ang kamao ko at kinuha na ang tray. Dinala ko iyon sa table 3 at sinigurado kong wala sa akin ang tingin ng boss ko bago ko muling sinilip ang cellphone ko na nag-vibrate na naman at may text mula kay nanay Glo.
Al, isusugod ko na si Jade sa hospital, hindi na talaga bumaba ang lagnat niya kahit napainom ko pa ng gamot. Iniwan ko muna kay Art si Jayden, kakauwi niya lang.
May kabang lumukob sa loob ko para sa kondisyon ng anak ko pero alam kong mas lalo akong walang madadalang pera sa kanya kung aalis ako ngayon sa tra
