Pagkabalik namin sa Malacañang at pagpasok namin sa pinto ay may babaeng nakangiting sumalubong sa kanya. Maganda siya at may dala siyang malaking camera na nakasabit sa kanyang leeg. Bagay na bagay din sa kanya ang suot niyang dress na kulay nude pink.
“Caroline?”
“Xander!”
Nagulat ako nang yakapin siya ng babae at yumakap din siya pabalik kaya medyo umatras ako ng kaunti upang bigyan sila ng privacy.
“Grabe ka, naging president ka lang ang hirap mo nang kausapin. Alam mo bang muntik na akong dumaan sa butas ng karayom makakuha lang ng appointment sa’yo? Mabuti na lamang tinawagan ni Mommy si Tita Sandra. Kung hindi baka hindi nila ako pinayagan na makapasok dito.” Masayang kwento ng magandang babae sa kanya na tinawag niyang Caroline ang hinhin pa nito magsalita at babaeng-babae
