Revenge of a Battered Wife
By: JOEMAR P. ANCHETA (Pinagpala)
CHAPTER 29
“Go na Ivy! Ako na ang bahala sa bata! Hindi ko pababayan ang anak mo. Aalagaan ko siya. Balikan mo kami!” sabi ni Emma na mabilis na tumayo nang nakapasok ang bodyguard. “Alis na! Bilis. Go!”
Gusto ko man siyang yakapin ngunit wala nang oras. Kailangan ko nang bilisan ang aking pagtakas. Mabilis ang mga paa kong tumungo sa elevator. Kinakabahan. Hindi pwedeng makita ako ni Jaxon. Pagkakataon ko na ito.
May ilang naghihintay sa elevator na naabutan ko. Naka-red na ang down. Hinihintay na lang na bumukas. Habang naghihintay akong tumaas ang elevator na nasa baba pa at makarating sa 5th floor na kinatatayuan ko ay patingin-tingin ako sa paligid. Bakit ba ang tagal. Pa
