MASAYA si Zoe dahil sa wakas ay nakakulong na ang dalawang holdaper. Napag-alaman niyang dayo lang pala sa Lucban ang mga iyon. Natuklasan din niya na hindi pala totoong baril ang dala-dala ng mga ito kanina.
"Suwerte mo at si Ethan ang nakakita sa'yo, Miss," anang police na nag-iinterview sa kaniya. "Maganda at sexy ka pa naman. Ano ba kasi ang ginagawa mo sa labas nang ganitong oras?"
"Papunta talaga akong Quezon. Naghahanap ako ng resort na puwede kong puntahan para mag-relax. Pero nasiraan ako sa daan." Hindi na sinabi ni Zoe ang totoong dahilan kung bakit siya napadpad sa lugar na iyon. Pati ang kaniyang totoong pangalan ay iniba rin niya. Siya kunwari si Zoe Madrigal. Mabuti na lang at walang nakakakilala sa kaniya.
"Sa susunod ay h'wag ka nang bumiyahe ng alanganing oras. Sayang
