DISMAYADO at nalulungkot na pinatay ni Zoe ang kaniyang cellphone nang hindi pa rin niya makontak si Gerard. Hindi na niya mabilang kung ilang beses na niya itong tinawagan pero laging ang voice mail lang nito ang sumasagot.
Hindi rin sila nagkausap sa trabaho kahapon dahil iniiwasan siya ng nobyo. Talagang masama ang loob nito sa kaniya. Hindi tuloy niya masabi-sabi rito ang gagawin sanang pagsuko sa sarili. Gusto kasi niya iyong sabihin nang personal.
Habang papasok sa pinapasukan niyang souvenir shop tuwing Sunday, naisipan ni Zoe na ang pamilya niya naman ang tawagan nang hindi pa rin siya sinasagot ni Gerard.
"Hello, Dad. Kumusta na po kayo diyan?" Umupo muna sa isang bench ang dalaga para makausap nang maayos ang ama. "Sina Mommy, Zhang at Qui, kumusta naman po sila?"
Lalong na
