MAAGANG nag-uwian ang mga pinsan ni Ethan dahil may trabaho pa raw ang mga ito. At sa pag-alis ng pamilya ng binata ay nasolo na naman nila ang isa't isa.
"Ang sweet n'yo palang magpipinsan, 'no? Dumayo pa talaga sila rito para lang tulungan ka," wika ni Zoe habang sabay silang nagbibihis ni Ethan. Katatapos lang din nilang maligo nang sabay, na ang tagal natapos dahil nauna pa ang pagsasalo na naman nila sa mainit na tagpo.
"Gano'n talaga ang samahan namin. Damay-damay kapag may problema ang isa't isa." Simpleng T-shirt at kupas na maong na pantalon lang ang nakita ni Zoe na isinuot ni Ethan. "Sila na ang naging pamilya ko simula nang maulila ko." At doon na nagsimula ang binata na magkuwento tungkol sa naging buhay nito nang mawala ang ina.
Tumigil sa pagbubutones sa kaniyang blouse
