Nagising si Zoe sa pakiramdam na tila may mga matang nakatitig sa kaniya. Kahit mabigat man ang talukap ng kaniyang mga mata ay pinilit niyang magmulat. Awtomatikong nag-unahan sa pagtibok ang puso niya nang magsalubong ang mga tingin nila ni Ethan.
Nakatagilid ito ng higa paharap sa kaniya at titig na titig sa mukha niya. Parang kanina pa pinagpipiyestahan ng mga mata nito ang mukha niya at pinapanood ang pagtulog niya. Katulad niya ay hubo't hubad din ito at natatakpan lang ng kumot ang kalahating katawan.
"Good morning," bati ni Ethan sa pinakamatamis na ngiti nito.
Lalong tumiim ang pagkakatitig nito kay Zoe. But she can't look away. She can't even take her eyes off him. Titig na titig din siya sa guwapo nitong mukha na kahit kailan ay hindi nawala sa isip niya kahit sandali lang.
