Kabanata 46
"Seryoso ba siya?" gulat pang bulalas ni Leo sa kanya.
"Mukhang hindi siya nagbibiro," aniya pa. Kinuha naman ni Leo ang kanyang cellphone at binasa ang text message nito.
Dumating na rin naman sila sa harap ng cafe kaya agad siyang pumara. Hinila niya si Leo para bumaba na rin. Nasa kalsada na silang dalawa nang basahin ni Leo ang text message ni Amara.
"Magkita tayo mamaya sa dati nating tagpuan. Kapag hindi ka pumunta, magba-back out ako sa project natin," wika pa ni Leo habang nakatitig ng husto sa screen ng kanyang cellphone.
"She sounds serious, really!" ulit niya pa.
"Gago pala 'to eh! Maka-demand wagas! Kung hindi lang 'to babae, inupakan ko na 'to! Alam naman niyang may lakad ka mamaya. Ngayon pa talaga siya mag-iinarte!" galit na wika ni Leo. Nailing lamang
