Kabanata 48
"So bakit kayo naghiwalay?"
"Ayaw sa akin ng parents niya Nica dahil daw sa mahirap ako. Sinubukan ko namang ipaglaban siya pero hinayaan niya lang na tapakan ang pagkatao ko. Pinaratangan pa ako ng kung ano-ano ng mga magulang niya kaya ako na mismo ang nagkusa na lumayo."
Nakagat niya ang kanyang ibabang labi. Tinamaan yata siya roon. Ayaw din ng ama niya na magkanobyo siya ng mahirap. Ang lagi kasing rason nito'y wala ra siyang mapapala at masisira lang daw ang buhay niya.
Narinig naman niyang bumuntong-hininga ito.
"Umasa ako Nica na ipaglalaban niya ako pero hindi niya ginawa. Ipinamukha niya sa akin na ganoon ako kaliit. Na wala akong mararating."
"Sorry," aniya. Hindi siya nag-so-sorry dahil naaawa siya sa nangyari rito. Nag-so-sorry siya dahil hindi niya masabi
