--------------
"Honey, gusto ko ng chico."
"Ngayon mo na ba kaagad gustong kumain?"
Kausap ko sa cellphone ang asawa ko. Katatapos niya lang akong suyuin kagabi at ito ako naglalambing sa kaniya ngayon. Nasa office na siya at ako, nandito lang sa bahay. Naghihintay sa araw ng panganganak ko.
"Gusto ko kaagad ngayon na." nakanguso ko pa na pagmamaktol sa kaniya. Kahit pa hindi niya nakikita ang aking mukha.
Kung kailan malapit na akong manganak tsaka naman ako natatakam sa pagkain na noon hindi ko kinakain pero ngayon natatakam ako sa mga ito.
"Okay, baby, uutusan ko si Manong Dario na dalhan ka diyan ng chico." alam ko naman na pagbibigyan ako ng asawa ko. Ewan ko ba kung bakit nasasanay na ako sa pag-sspoiled niya sakin. Lahat na lang kasi ng gusto ko ibinibigay niya.
"Thank you."
