Elizabeth
Hindi nakapagsalita si Mr. David. Akala niya yata ay magtitiis ako sa kasungitan niya. Marami pa naman akong puwedeng pasukan na trabaho. Ang iniisip ko lang si baby Aliyaah. Kahit sandali lang kaming nagkasama napalapit na kaagad ang loob ko sa batang 'yon.
Napakabait at hindi kagaya ng Daddy nitong nasa harapan ko ngayon. Masungit na pumapatol pa yata sa babae. Bakla yata ang lalaking 'to.
"Kung wala na ho kayong sasabihin maiwan ko na kayo." walang gana na sabi ko tsaka tinalikuran ito. Ngunit bigla na lamang niyang hinawakan ang braso ko.
"Hindi ka puwedeng umalis bilang yaya ni Aliyaah." mas dumiin ang pagkakahawak niya sa braso ko. "I haven't given you my permission yet. As your boss, I'm still the one to obey here!"
"Sorry po ah! Hindi ko na kayo boss ngayon. Hindi
