"What took you so long?" agad na salubong ni Carlo kay Brianna nang makabalik na siya sa may visitor's area.
"K-Kasi may---"
"Nasa opisina na niya si Sir Konstantin at naghihintay sa iyo," dagdag pa nito sa pagsasalita. Ni hindi man lang nito pinansin ang nais niya sanang sabihin. "Fix yourself now, Miss Brianna. Act according to what you have learned from Helena."
Alanganin na lang siyang napatango dito. Mayamaya pa ay inakay na siya ni Carlo na maglakad na patungo sa opisinang inookupa ni Konstantin Lebedev. Halos maramdaman niya pa ang tila'y tambol sa kanyang dibdib dahil sa bilis ng t***k niyon.
Nakadarama siya ng kaba dahil sa paghaharap nilang iyon ng kapatid ni Alejandro. Hindi niya alam kung paano ito pakikitunguhan. Kay Alejandro ay aminado siyang kinakabahan kapag kausap ito
