Chapter 14
Kinabukasan, pagpasok pa lang ni Zabina sa opisina ay pansin na kaagad niya ang bulungan ng mga nakakasalubong niyang empleyado. Mukhang kumalat na nga ang balitang kinumpirma niya kagabi. Kibit-balikat lang naman si Zabina at patuloy pa ring naglakad. Hindi kasi sila sabay na pumasok ni Judas. Sa tapat siya ng building bumaba. Hindi na siya sumama pa rito sa basement parking.
"Siya ba 'yon? Hindi naman pala gano'n kaganda?" Rinig pa niyang bulong ng isa pang babae na nadaanan niya.
Napahinto tuloy siya sa paglalakad para lingunin ang babaeng 'yon. Tinitigan ni Zabina ang babae mula ulo hanggang paa sabay irap nang bahagya bago niya ito tuluyang lagpasan. Gusto man niya itong patulan ay hindi na niya gagawin pa. Dumiretso na lamang siya sa 11th floor kung saan ang opisina niy
