[Crimson]
Biglang binalot ng katahimikan ang buong paligid ngunit kaakibat no'n ang malamig na bagay na nakahawak sa aking braso. Gusto kong tumakbo ngunit hindi ko na nagawa dahil hinila niya ako papasok sa silid na pinagdalhan sa akin ni Manang.
Kumawala ang isang malakas na singhap at talaga namang labis akong nagulantang nang bumulaga sa aking harapan ang isang painting na nakakabit sa likod ng pintuan. Gosh! Pinigilan ko agad ang luhang hatid ng matinding takot na nararamdaman ko.
Kwarto kaya ito ng mama ni Chase? Siya ba ang magandang babaeng nasa painting? At bakit buhay na buhay ito sa aking paningin na tila ba nakatingin ang mga mata nito sa akin?
Hinigit ko ang aking hininga at namumutlang ibinaling ang tingin sa gawing kanan. For heaven's sake! Hindi kaya bampira din ang mam
