[Crimson]
"C-Chase?" mahinang boses na sambit ko sa pangalan niya nang magising ako na ilang pulgada lamang ang layo ng mukha nito sa akin. Bumilis ang t***k ng puso ko nang makitang pinagmamasdan niya ang aking mukha na para bang may kakaibang nangyari sa akin.
Napasinghap ako bago kinapa kung may laway ba sa gilid ng aking labi pero wala naman akong nahawakan. Malinis din ang paligid ng mga mata ko kung kaya wala siyang dapat titigan sa mga ito. Hindi rin naman nagmamantika ang mukha ko dahil hindi naman maalinsangan ang panahon.
"Sorry, hindi ko namalayan ang oras. Tinanghali na pala ako ng gising."
Kabado akong napaupo sa gilid ng kama at napainat pa ng braso. Nakakatuwa dahil nagawa kong makita ulit nang malapitan ang mahahaba nitong mga pilikmata at matangos na ilong ngunit sadya
