[Crimson]
"Niccolo? Bakit ka nandito? Sinundan mo ba si Ate?"
Muntik ko ng mabitawan ang hawak kong baso nang biglang sumulpot si Niccolo sa aking likuran. Kinikilabutan pa naman ako dahil sa lamig ng panahon, kung kaya mas dumagdag pa ito sa kilabot na nararamdaman ko. Nagising lang talaga ako dahil bigla akong nakaramdam ng pagkauhaw kung kaya napagpasiyahan kong bumaba para uminom ng tubig.
Natigilan na lamang ako nang hindi sumagot ang aking kapatid, saglit lang itong nakipagtitigan sa akin at nilagpasan ako na para bang wala siyang nakitang tao.
Bumuntong-hininga na lamang ako saka ito sinundan, 'ni minsan hindi ko naman nakita na nagawang mag-sleepwalking si Niccolo noong nasa ospital pa kaming dalawa. Malikot man itong matulog at minsan ay nagkakaroon ng masamang panaginip pero
