Dumaan ang isang linggo na naging maayos naman ang pagtatrabaho ko sa Garnet Corp. Hindi na rin kami masyadong nagkakausap ni Justine dahil pilit kong iniiwasan na magkasolo kaming dalawa. Ganun pa man ay hindi ko maiwasang makaramdam ng kakaibang tensyon sa tuwing nandyan ang presensya niya. Sa tuwing nakikita ko kasi siya ay naaalala ko ang ginawa niyang paghalik sa akin.
Hatid sundo din ako ni Stan sa trabaho kahit pa na pagod siya kaya lalo akong nagi-guilty sa nangyari noong nakaraang linggo.
"Aalis ka na ate?" Tanong ni Stan habang pupungas pungas palabas ng kanyang silid.
"Oo, kaya mag ayos ka ng sarili mo at mag-almusal ka na. Bantayan mong maigi ang tyangge habang wala ako, bunso. Maliwanag ba?"
"Siyempre naman ate. Ako pa!"
"Oh siya, sige na. Aalis na ako. Bye bunso!"
"Teka
