“Uy! Mukhang may concert dito sa park,” sambit bigla ni Angelo na napahinto sa paglalakad at itinuro ang mga nagkukumpulang mga tao na pinalilibutan ang isang may kalakihang stage na may mga nagkikislapang mga ilaw at sa ibabaw ay may mga nakahanda ng mga musical instruments. Huminto rin sa paglalakad si Dominic at tiningnan ang itinuturo ni Angelo.
Ngumiti si Dominic. “Oo nga. Mukhang meron,” aniya.
Napangiti si Angelo. Tumingin ito sa kaibigan. “Tara at nuod muna tayo,” aya nito.
Tumango na lamang si Dominic bilang pagpayag.
Magkasabay na lumapit sila Angelo at Dominic sa kinaroroonan ng mga tao. Nakisiksik sila sa mga iyon at kumuha ng magandang pwesto para mas mapanuod nila ang mga magpe-perform sa stage. Nakakuha naman sila ng magandang pwesto matapos nilang makipagbalyahan at mak
