Tila napasabak sa isang matinding sagupaan ang hitsura ngayon ng dalaga. Nanghihina at pagod na pagod siya pagdating nila ni Miguel sa kanilang bahay. Ngunit pinakiusapan niya ang binata na 'wag ng tumuloy pa sa bahay. Bumaba na siya ng sasakyan ng hindi pa masyadong nakalapit ang kotse ng binata. Ayaw niyang makita ng kanyang lola ang lalaki, baka ito mag-isip ng masama tungkol sa kanila. Hindi pa siya handang aminin sa matanda ang relasyon tungkol sa kanya at sa amo niyang lalaki. Bigla naman siyang nakonsensiya, dahil nadatnan niya ang kanyang lola nakatayo sa labas ng kanilang bahay.
"Lola, bakit po kayo nandito sa labas? Masyado na pong malamok dito. Sana sa loob niyo na lang ako hinihintay." ani nito sa matanda nang tuluyan na siyanh nakalapit sa siya at kinuha ang kanyang kamay
