HABANG pinagmamasdan ni Jason ang maamo at napakagandang mukha na ngayon ay mahimbing na natutulog sa kaniyang tabi, hindi niya mapigilan ang kakaibang klase ng haplos ng kaligayahan sa kaniyang puso.
Mahal na mahal niya si Jenny.
Higit kanino man, higit kay Ara na totoong binalak talaga niyang ligawan unang beses pa lang niyang nakita.
Pero si Jenny, iba ang nangyari sa kaniya. Iba ang ginawa nito sa puso niya at ang lahat ng iyon hindi niya kayang ipaliwanag. Basta ang alam lang niya mahal niya ito at walang kahit sino ang pwedeng humigit sa dalaga dito sa kaniyang puso.
Sa puntong iyon kumilos ang kamay niya saka ito masuyong hinaplos sa pisngi. Pagkatapos nang hindi makuntento ay saka niya ito niyuko at dinampian ng masuyong halik sa ulo saka sinamyo ang mabango nitong buhok.
"Ma
