Chapter 18
ANGIE's POV:
Nakakaloka naman itong boss ko. Talagang pinuntahan pa ako rito sa bahay para lang ipaalala sa akin na meron akong trabaho sa kanya.
Iba pala maging boss itong tatay ng ex ko. Hindi ka talaga makakagawa ng excuse dahil siya mismo ang susundo sa'yo.
Kaya heto, pagmamadali ang siyang nagawa ko. Wala akong inaksayang segundo para lang matapos akong maligo. Ni hindi na nga ako nag-almusal dahil nahihiya akong maghintay nang matagal si Sir Arthur. Baka mamaya, mahabang sermon at talak ang matanggap ko mula sa kanya.
"Ma, mauna na po kami," tanging paalam ko kay mama bago namin nilisan ang bahay. Pero yung tingin ni mama sa amin kanina habang kasama ko si Sir Arthur ay tila marami siyang katanungan na gustong itanong. Kaya agad ko nang hinigit si sir Arthur palabas
