CHAPTER 13
MARK POV's:
BINABA ko na ang aking pride. Kahit ayoko sanang kausapin si dad ay nagawa kong puntahan siya rito sa kompanya. Hindi kasi ako tinitigilan ni Andrea. Kaya wala akong magawa kundi ang sundin na lamang ang kagustuhan niya.
Hindi pa kasi ako handang pakasalan siya. Wala pa akong kasiguraduhan sa buhay na dapat ko siyang iharap sa altar. Alam ko kasi na hindi rin biro ang kasal. Kapag ikinasal ako, para ko na ring itinali ang aking sarili sa kanya. And I don't want this to happen. Hindi ko kailan man ipapatali ang sarili ko sa babaeng napilitan lang naman akong panagutan.
"Pumasok na raw po kayo Sir Mark," saad ng Secretary ni papa nang lumabas ito mula sa opisina. Siya kasi ang nadatnan ko kaya nagawa ko itong utusan para hindi naman maistorbo si papa. Balita ko ka
