Madi's pov
TINUPAD ni Joaquin ang pangako nito sa kanya. Sinamahan siya ni Joaquin upang makilala niya ang mga biktima. Sa gate pa lang ay maraming mga pulis na nakabantay sa paligid. Siniguro niya munang walang CCTV ang naturang silid bago siya nananatili doon. Ang ipinagtataka niya lamang ay hindi ibinalita ang tungkol sa mga nailigtas na biktima. Walang news na naibalita tungkol sa Mendoza Contanier Van Trading.
“Iwan na muna kita at kakausapin ko lang ang mga kasamahan natin,” wika sa kanya ni Joaquin. Malambing ang tinig nito. Nasa interrogation room sila ng mga oras na iyon at naghihintay sa biktima.
Tumango siya sa sinabi ng lalaki. “Kaya ko na ito don’t worry,” nakangiting wika niya sa lalaki. Luminga-linga muna si Joaquin bago ito yumuko at humalik sa labi niya.
