Chapter 11 I'll kill you
1525 Words
Diane:
MAGKAKASAMA KAMING nag-agahan nila mommy, tito Davidson at Dionne. Bakas ang tuwa sa mata ng mga magulang namin na makitang nagpapansinan kami ni Dionne kahit na nakakailang ng sitwasyon namin.
Napalunok ako nang pasimpleng isinasagi ni Dionne sa ilalim ng lamesa ang kamay paa nitong ikinikiskis sa binti ko. Magkaharap kasi kami at katabi nito ang ama habang katabi ko naman ang mommy. Napainom ako ng tubig na biglang nakadama ng uhaw sa ginagawa nito lalo na't makahulugan ang titig na ginagawad nitong may pilyong ngiting naglalaro sa kanyang mga labi habang pasimpleng kumakain.
Hindi ko mapigilang makadama ng init na pilit kong nilalabanan at panakanakang nasisipa ang binti nitong maligalig sa ilalim ng mesa! Ako pa ang kinakabahan sa pinaggagawa nitong pasimpleng pagpaparamdam lalo't kaharap namin aming magulang.
Napalunok akong pasimpleng napakurot sa binti nitong umaabot na sa hita ko ang kinakikiskisan na ikinangisi lang nitong kumakaing nakamata sa akin.
"Are you okay Diane hija?"
"Huh? Ahm....yeah! Of course Tito" tarantang sagot ko na napainom ng tubig. Mahinang natawa naman si Dionne na muling kumikiskis ang binti sa ilalim ng mesa. Kahit pasimpleng pinandidilatan ko ito ng mg mata ay tila mas lalong natutuwa pa!
Napatango naman itong nagpatuloy sa pagkain at sa topic nila ni mommy tungkol sa nalalapit nilang kasal. Hindi tuloy ako maka-focus sa topic at lasa ng pagkain sa pang-aakit ni Dionne..Hindi ko alam kung nananadya ba itong nang-aasar lang lalo't hindi ako makaalma dahil baka makahalata ang mga magulang namin.
"Ahm, I'll just get our dessert" aniko na ikinatango at ngiti nila mommy at tito sa akin. Mabilis akong tumayo na nagtungo ng kitchen.
"Excuse me Tita, where's the restroom?" dinig kong saad ni Dionne na mahinang ikinamura ko.
"Uhm, follow Diane hijo"
"Ah, okay po" anito na dinig kong tumayo na sa kanyang upuan. Napakuyom ako ng kamaong nagngingitngit ang mga ngipin.
Padabog akong nagtungo ng kitchen at maingat inilabas sa fridge ang isang strawberry cake na ginawa mismo ni mommy.
"Hindi dito ang restroom" ismid kong pagtataray dito na mabungaran sa likuran kong matamang nakatitig sa akin. Napangiti lang naman ito na lumapit sa gawi kong ikinatuod ko sa kinatatayuan!
"I know. Show me please" anas nito na napatitig sa mga labi kong itinikom ko. Mahina itong natawang napailing na dumampot ng isang buong strawberry toppings at nakamatang isinubo iyon na napaungol pa! Napalunok akong nag-init ang mukha sa ginawa nitong tila may ibang ipinapahiwatig.
"So.....alam mo na pala dati pa tama?" natigilan akong napaiwas ng tingin dito. Pagak itong natawang napailing na muling dumampot sa strawberry na naka-toppings at sinubo. "Ito ang ibig mong sabihin tama? Na mangpanggap akong hindi tayo magkakilala sa susunod"
Hindi ako makaapuhap ng maisasagot dito kahit gusto ko na siyang sumbatan sa pangloloko niya sa akin. Pero ayoko namang marinig kami nila mommy lalo't salamin lang ang naghihiwalay nitong kusina sa dining kung saan sila masayang nag-aagahan ni tito.
"Wow. Anong itatawag nila ngayon sa atin niyan Di?" napatitig ako dito na naguguluhan. Napangisi itong bahagyang yumukong ikinasinghap ko. "Pwede kaya 'yong....makasalanang magkapatid? Oppsss, hindi naman talaga tayo magkadugo so....bakit kita ituturing na nakakabatang kapatid ko 'di ba?"
Mahina itong natawa na tumitig sa mga mata ko. Halos gahibla na lamang ang aming pagitan kaya't sobrang lakas ng kabog ng dibdib ko sa pag-aalalang masulyapan kami nila mommy dito sa kusina ni Dionne.
"U-umayos ko. Binabalaan kita. Hwag na hwag kang gagawa....ng ikakasakit ng damdamin ni mommy Dionne. Hindi mo pa ako...lubusang kakilala" madiing banta ko na maalala ang gabing sinabi nito kung gaano siya kagalit sa fiancee ng kanyang ama. Natigilan naman itong namutla. Napangisi akong bahagyang humakbang palapit dito na pinatapang ang itsura.
"Be careful Kuya, cause this angel....can turns into dēvil. Try me. And I'll immediately.... sent you to hell" paanas kong bahagyang binunggo ito sa balikat at bumalik ng dining na may pekeng matamis na ngiti sa labi dahil napalingon sa akin sina mommy at tito na nangingiti.
Napatayo naman si tito na sinalubong akong inabot ang dala kong cake.
"Thank you po"
"It's nothing sweetie" kindat nitong ikinangiti ko.
Para akong nakakadama ng kakaibang kilig sa tuwing tinatawag niya akong sweetie. Na para ko na talaga siyang ama sa paningin, pandinig at pakiramdam ko. Kaya kahit mabigat sa part ko ay masaya akong maging miyembro ng pamilya namin si tito Davidson, dahil gusto ko din naman siyang.....maging ama ko. Para kaming may koneksyon sa isa't-isa na dama namin pareho kaya naman hindi kami nagkakailangan.
"Taste it honey. I wake-up early this morning just to baked that for you and Alden" malambing saad ni mommy na tinulungan si tito um-slice sa strawberry cake na gawa nito. Nangingiti lang naman akong nakamata sa kanilang dalawang kita ang pagmamahalan sa galaw, pananalita at kilos nilang dalawa.
"Uhmm... absolutely perfect honey. This is one of the best cake I've ever tasted in my whole life" ani tito na napapikit pang ninanamnam ang isinubo sa kanya ni mommy. Para akong hinahaplos sa pusong may ngiting naglalaro sa labi habang nakamata sa kanilang dalawa.
"Hmm...binobola mo lang ako eh" mahina akong natawa sa pagpapabebe ni mommy dito.
"Anong binobola. Hindi ah, I'm just being honest honey. Masarap siya. Sobra, parang ikaw" pilyong bulong pa nitong nadinig kong ikinalapat ko ng labing pigil-pigil mapahagikhik lalo't pinamulaan si mommy na mahina itong kinurot sa tyan.
"Umayos ka nga. Nakakahiya sa mga bata David" mahinang singhal pa nito. Napangiwing nilingon akong kinikilig sa kanilang dalawa.
"Bakit ako mahihiya? Nagpapakatotoo lang naman ako ah" parang batang apila pa nitong kakamot-kamot sa batok.
"Ahem! I have to go. Magkikita pa kasi kami ng mga friends ko. Mauna na po ako Tita. Salamat po sa breakfast" ani Dionne na nasa likuran ko lang pala. Muntik pa akong mapatalon sa gulat nang umakbay ito. Nangingiti lang naman sina mommy at tito sa amin na tinanguhan ang mapapaalam nito.
"Salamat din hijo. Hwag na sana kayong magkailangan ni Di, lalo na ngayong magiging iisang pamilya na tayong titira sa iisang bubong" malambing saad ni mommy na may matamis na ngiti sa labing nakamata kay Dionne na tumango-tangong nakaakbay pa rin sa akin.
"Yeah. I'll keep that on my mind Tita. Don't worry about me and my younger sister" nilingon ako nitong ikinatingala ko ditong matapang sinalubong ang mga matang 'di ko mabasaan ng emosyon. "I'll take good care of her just like the other siblings out there"
Napalunok akong kaagad nag-iwas ng tingin dito. Para kasing iba ang dating ng sinaad nitong aalagaan niya ako lalo na't may naglalarong pilyong ngiti sa mga labi nitong hindi mapagkakatiwalaan.
"Thank you Alden. Ikaw nang bahala sa kinakapatid mo hah. Welcome to our family hijo. You're welcome in this roof" naluluhang saad ni mommy na napayapos sa baywang ni titong umakbay dito. Ramdam kong napapisil si Dionne sa punong-braso kong hawak nito sa pagyayakapan ng dalawa.
"Mom, Tito. Ihatid ko lang sa labas si Di- si Kuya sa labas" pamamaalam kong ikinatango ng mga ito.
Napasunod naman si Dionne sa akin na nagpatiuna nang lumabas ng dining. Alam ko namang malaki ang galit niya kay mommy. Kaya hindi ako dapat makampante kahit na maayos ang pakikitungo niya sa ina ko. Dahil ramdam ko namang....pakitang-tao lang ang pakisama nito.
"Di. Wait" paghabol nito na hindi ko pinansin at tuloy-tuloy na lumabas ng mansion. "Galit ka ba? May nagawa na naman ba akong ikanagagalit mo?"
Napapihit ako ditong sinalubong ng malakas na sampal sa kanyang pisngi na ikinatagilid ng mukha nito.
"Stop acting like you don't know what's going on Alden Dionne Di Caprio" nanggagalaiting asik ko dito. Sa lakas ng sampal ko ay bumakat ang marka ng palad ko sa makinis niyang pisngi.
Dahan-dahan itong napalingon sa akin na nanlalaki ang mga matang puno ng kabiglaan at katanungan. Hindi ako nagpatinag na matapang sinalubong ang mga mata nito.
"Ano bang pinagsasabi mo? Wala naman kasi talaga akong kaalam-alam" madiing asik din nito na hinahaplos ang pisnging nasampal ko. Napangisi akong humalukipkip dito na pinataray ang itsura. Napalunok naman itong namula ang mga tainga.
"Oh really?" sarkastikong tanong ko. "Hwag ka ng magpanggap. Alam kong sinadya mo akong lapitan mula umpisa. Malinaw na sa akin ang lahat Dionne. Ako 'yon. Ako 'yong anak ng babaeng plano mong paghigantian dalawang taon na ang nakakalipas. Kaya hindi mo ako tinantanan noon. Kaya mo ako pinasakay. Binilog ang ulo. At nang nagsawa ka na sa katawan ko ay bigla ka na lang naglahong parang bula" madiing saad kong nanggagalaiti ang mga ngipin. Natigilan itong namutla na hindi makasagot.
"Nanggaling mismo sa bibig mo. Kung gaano ka kagalit sa step mom mo. Kaya hwag ka ng magpanggap na masaya at tanggap mo sila lalo na kami ng mommy ko dahil alam ko naman kung anong nilalaman ng puso mo" duro ko ditong natuod na yata sa kinatatayuan.
"Hindi ka makasagot? Kasi totoo ang mga sinasabi ko" pang-uuyam ko dito. Napalunok itong nagpantig ang panga. "Umalis ka na. At hwag mo ng ituloy saktan ang mommy ko dahil ako ang makakalaban mo. Keep this on your fūcking mind Dionne, I'm watching you. One wrong move...." lumapit akong tumingkayad na bumulong sa tainga nito.
"And I won't hesitate....to kill you"
- Writer
