Magkahawak ang aming kamay ni Kaden ng bumaba ng eroplano. Nandito na kami sa Macau para sa iniregalong honeymoon vacation ng kanyang magulang. Isang linggo rin kami mamalagi rito.
"Wow! Ang ganda rito!" Manghang sabi ko habang nililibot ang tingin.
Kailanman ay hindi ko inakalang makakapunta ako rito kasama ang lalaking mamahalin ko. Napatingin ako kay Kaden na pinagmamasdan lang ako. Hinalikan niya ang magkadaop naming kamay.
"Makasama ka rito ay isa sa pangarap ko." Sabi niya ng puno ng pagmamahal. "Ngayon nandito na tayo ay labis labis ang tuwa ko. Ako na yata ang pinakaswere na lalaki sa mundo ngayon."
Kinurot ko siya sa tagiliran para matigil sa pagpapakilig sa akin. "Bola ka!" Natatawang sabi ko. "Baka nga may naisama ka na rito na ibang babae."
"Wala ah. Ikaw lang." Pagtanggi
