Napalumbaba ako at inalala ang ginawang pag-alok sa akin ni Kaden na maging kapareha niya sa prom. Hindi ko malaman kung seryoso siya roon dahil sa bali-balitang makapareha sila ni Hannah. Ang ineexpect ng lahat ay sila ang partner dahil sa lagi na rin sila magkasama sa school. Tulad ngayon na patuloy niyang inaalalayan si Hannah tuwing lunch break.
Naramdaman ko ang pagsiko sa akin ni Lila kaya doon ko lang napansin na habol ko ng tingin sina Kaden at Hannah. "Umaasa ka pa rin na kayo ang partner sa prom?" Pabulong na tanong ni Lila at pinanlakihan ako ng mata. "Ewan ko rin diyan kay Kaden nilalandi ka pa eh may Hannah pala siya." Nakasimangot pa niyang dagdag.
"Tama!" Sang-ayon ni Harold sa sinabi ni Lila. "Ano ba nakita niyo sa kanya eh itsura lang naman ang lamang niya sa akin."
Hin
