“Ikaw Ian, sobra ka ha! Akala mo naman ang perfect mo! Tse!” Iyon ang eksenang nadatnan nila nang malapitan ang dalawang tila nagtatalo.
Nakangisi naman si Ian at tila aliw na aliw sa itsura ni Karen, na ngayo’y parang dragon na any time eh, bubugahan na ng apoy si Ian. Inawat naman agad nila Xandrie at Brix ang dalawa, bago pa man magkapikunan ang mga ito. Well bago mapikon si Karen kay Ian technically, dahil ang walang hiyang lalake ay parang nag-eenjoy sa pang-aasar sa dalaga.
“Naku, tama na iyan kayong dalawa at baka kayo’y magkahulugan.” Natatawa niyang awat sa dalawa. Base sa itsura ng mga ito, alam niyang may special sa damdamin ng bawat isa na dinaraan lang sa pang-aasar ni Ian kay Karen.
“Ayyyy sis, nagbago na ang isip ko. Hinding-hindi ako mahuhulog sa kurimaw na iyan! Kalala
