Tatlong buwan ang matuling lumipas, at sa loob ng mga nakalipas na buwan, ay masasabi niyang lubos na ang kasiyahan niya. Matiyaga pa rin siyang sinusuyo ni Brix na halos araw-araw siyang tinatawagan at kinukumusta nito. Regular pa rin ang pagpapadala nito ng mga bulaklak sa kaniya, at lumalabas sila at least once a week. Masyado kasing busy ang binata sa mga catering events ng restau-bar nito. Gayon din naman siya sa kanilang negosyo, lalo na ngayon at peak season na naman. Paminsan-minsan din dumadalaw ito sa kanila upang mag-dinner. Minsan pa nga sabay-sabay silang tatlo kung sumugod sa bahay nila.
“Sis, mamaya uuwi pala ako sa amin. May sakit kasi si tatay at walang mag-aalaga sa kanya.” Paalam ni Karen sa kanila. Nasa opisina silang tatlo at nasa kani-kaniyang upuan nang mga sandali
