Kinabukasan ay maagang nagising si Xandrie at bumangon. Ngayong araw kasi ang dating ng kaniyang ina at tiyahin. Pupungas-pungas pa siyang tinungo ang kaniyang banyo upang maligo. Matapos niyang maligo ay agad siyang nagpalit ng pambahay, simpleng maong shorts at medyo maluwag na puting t-shirt, na itinali niya ang laylayan hanggang sa kaniyang baywang, ang kaniyang isinuot. Hinayaan lang niya ang basapang buhok na nakalugay. Nang makasigurong maayos na ang kaniyang itsura ay saka siya lumabas ng kaniyang silid.
Nasa kalagitnaan na siya ng hagdanan, nang makitang nakaupo si Brix sa sala kasama si Maggy. Sandali siyang natigilan at wala sa sariling humakbang pababa ng hagdan, ngunit sa kasamaang palad ay nadulas mula roon, dahilan para mapatili siya. Maagap naman siyang nakahawak sa hawak
