Sa ikalawang araw ng kanyang training halos alas otso na ng gabi sila natapos dahil pansamantala muna na ititigil ang kanilang On-the Job Training dahil kailangan muna tapusin ang ongoing na construction sa isang parte ng hotel. Safety first. Mag-isa siyang nakatayo sa labas ng hotel para mag abang ng taxi nang biglang may isang kotse na magara na tumigil sa kanyang harapan. Wala siyang pakialam bagkus tumabi siya. Bibigyang daan niya kung sino man ang nasa loob niyon ngunit nakailang minuto na ay wala pa ring lumalabas. May paparating na taxi kung kaya't sinimulan na niyang ihakbang ang mga paa para pumara pero mabilis pa sa alas kwatro nang bumusina ang magarang kotse dahilan para maitakip niya ang kanyang dalawang palad sa magkabilang tainga niya. Kunot ang noo at salubong ang mga kilay
