Birthday ni Jaylord at nagyaya ito sa mga co-teachers, treat daw nito sa isang bar. Pinaunlakan naman agad iyon ng ilang mga co-teachers. Ayaw din naman ni Lily na magtampo ang binata sa kanya since marami na rin silang pinagsamahan nito. Tuwang-tuwa ang binata ng malaman nitong sasama siya sa birthday celebration nito.
"Himala at sumama sa atin si Ms. Gamboa!" ani ni Jenny, isang guro na may lihim na pagtingin kay Jaylord.
"Mabuti na rin iyon nang maranasan naman ni Ms. Gamboa ang mag-chill kahit papano," sagot ni Thelma sa kaibigang si Jenny na ngayo'y nakasimangot na.
"Kainis naman," reklamo ni Jenny.
"Pwede ba hinaan mo iyong boses mo, Jenny at baka marinig ka ni Lily," sita ni Thelma sa kaibigan.
"Ba't ka ba nag-aalala? Alalahanin mo girl, may boyfriend na rin 'yan si Lily, si Mr
