Nagulat si Lily nang hampasin ng kung sino ang kanyang mesa, nang i-angat niya ang tingin ang nanlilisik na mukha ni Jenny ang una niyang nabungaran. Kunot ang kanyang noo na nakatitig sa hindi maipinta na anyo nito.
"You! Ikaw ang dahilan kaya't nawala si Jaylord sa paaralang 'to!" naghehesterikal na saad ni Jenny sa kanya. Dinuro-duro pa siya nito.
Nagulat ang lahat ng estudyante ni Lily at natuon ang atensyon ng mga ito sa kanilang dalawa ni Jenny.
"Jenny!" tawag ni Thelma sa kaibigan.
Mabilis ang kilos ni Thelma at lumapit sa kaibigan nitong si Jenny. "Ano ba, pwede ba Jenny, 'wag mong sisihin si Lily sa pag-alis ni Jaylord sa eskwelahan na ito. It was not her fault. Please, makinig ka naman sakin, gusto mo bang ipatawag tayo ng principals at ng superintendent? Jenny naman, ang t
