My Pretend Love

Kabanata 3

"Hoy, ako ba tinatakot mong damuho ka? Hindi ako madadala sa mga intimidating awra mong 'yan!" marahas na tinulak ni Lily si Isaac sa matipuno at malapad nitong dibdib, sh-t lang ang tigas.

"Relax, do you really think that I would kiss you? Wow?! I'm just teasing you, kunwari ka pa na itulak ako sa dibdib, ba't hindi mo nalang aminin na gusto mo lang mananching?" 

Namula sa inis si Lily sa tinuran na iyon ni Isaac, dinuro-duro niya ang nakangising binata na kasalukuyang naaaliw sa kanyang inasta. "Hoy! Napaka-antipatiko mo talagang bwisit na lalaki ka? Kung sila mabibilog at mapapaikot mo sa mga the moves mong iyan, pwes! hindi iyan uubra sa akin, Isaac! Tandaan mo 'yan!" 

"Excuse me? Sino ba ang dumada-moves sa atin? Hindi ba't ikaw? May patulak-tulak ka pa nga sa malapad at matipuno kong dibdib, e," nakakalokong sagot ni Isaac, at sinadya pa nitong kalasin ang isang butones sa polo nito at lumantad ang malapad nitong dibdib.

F-ck! Ang sarap lang haplusin. Ani ng malanding utak ni Lily. Bwisit!6

"Ah! Ayoko na! Gago, mababaliw ako sa walang kwentang katulad mo!" nanggagalaiti sa inis na sigaw ni Lily at tinalikuran ang bwisit na binata.

Pero ang totoo niya'n kanina pa pinapasadahan ng tingin ni Isaac ang makinis at bilugang hita ng dalaga. Masasabi niya, ang sexy talaga ni Lily, he wanted to touch that hour-glass body of hers. His lips twitched in a teasing manner, kasalukuyang iniiwasan na naman siya ng mataray na si Lily. Napakagat pa sa sariling labi si Isaac ng pagmasdan ang pag-indayog ng sexy nitong balakang habang naglalakad. 

"Hintayin mo 'ko hoy, tuko!" pang-iinis pa ni Isaac sa nakabusangot na si Lily, paniguradong hindi na maipinta ang mukha nito. At namumula na ito sa sobrang inis.

Paano ba 'yan kailangan na niyang magpanggap bilang girlfriend ng pesteng Isaac na 'to! Nakakabwisit talaga. Narinig niya ang mga yabag nito na halatang sumusunod sa kanya. Inis na hinarap niya itong muli. Humugot muna siya ng malalim na buntong-hininga bago ito hinarap, pimikit siya at saka siya nagtatalak.

"Ayoko, at manigas ka sa kahihintay sa akin, ayoko, ayoko, ayoko....," inis na sigaw ni Lily.

Ngunit nang idilat niya ang dalawang mata, ang nakakunot-noong mukha ni Moises ang kanyang nabungaran. Tila natauhan si Lily sabay simangot, nasaan na ba ang tukmol na iyon? Akala niya ba isasama siya nito ngayon? At talagang kulelat din siya ano? Ano ba talaga, Lily? Inis na tanong ng kanyang isipan. Akala ko ba ayaw mo? Choosy ka rin ano? Well, sabagay, pakipot mood muna ang peg mo teh!

"Are you alright, ate Lily? Si kuya Isaac ba ang ipinag-puputok ng butse mo?" seryoso ang aura ni Moises habang hawak ang Ipad nito. Hindi lingid dito ang pang-aasar ni Isaac sa kanya.

"Sino pa nga ba? Ang pinsan mo lang na man ang laging sumisira sa araw ko, e!" inis na saad ni Lily kay Moises.

"Really? Sumisira ng araw mo o nagpapakilig sa araw mo, ate Lily?" biglang insert ni Meriam. 

Pinandilatan agad ni Lily ang dalagita sa sinabi nitong iyon. "At kailan ka pa natuto sa mga kilig-kilig na 'yan Meriam?" sita ni Lily sa nakangising si Meriam. 

"Secret," sagot nito at tumalilis ng takbo para maiwasan ang tanong niyang iyon. Sumulyap siya kay Moises.

"If you want to asked me, I don't know, ate Lily," maagap na sagot ni Moises saka ito umalis at tinungo ang patio.

Talagang lagot sa kanya ang pilyang Meriam na iyon. Aba't ka bata-bata pa marunong na sa mga kiligan? Aba't makakatikim iyon ng kurot sa singit mula sa kanya. Nagpalinga-linga siya at hinahanap ng kanyang mga mata si Isaac. Nasaan na ba ang tukmol na iyon?

"Missing me?" napatalon si Norain sa gulat nang maramdaman ang mainit na hininga ng binata sa kanyang batok. What the h*ck, kasabay niyo'n ay ang pagtama ng kanyang balakang sa glass table ng living room, napahawak si Lily sa kanyang nasaktang balakang sabay ngiwi, bwisit talaga 'tong lalaking ito. Everytime na nandirito ito palagi na lang siyang nadisgrasya, una ang daliri niya, ngayon naman ang balakang niya, sh-t! 

Agad namang dinaluhan ni Isaac si Lily. Nang una'y pumiksi si Lily pero mas malakas si Isaac at saka siya nito binuhat. Halos gusto nang magwala sa kilig ang puso ni Lily, peste talaga itong puso niya, kumi-kerengkeng na naman. Pero infairness, kinilig ng bongga ang lola niyo, jusko day!

Inilapag siya ni Isaac sa couch nang hindi sinasadyang tumama ang ulo ni Lily sa antique na Chinese vase. Ang kaninang kilig ay napalitan agad ng inis. "Ako ba talaga ay papatayin mo sa disgrasya?" asik ni Lily kay Isaac. 

Pinipigilan ni Isaac ang sarili na huwag matawa. Hindi naman talaga niya napansin ang vase. Palibhasa'y mas nag-aalala siya sa balakang ng dalaga. Hindi na nga niya alam kung sadyang magugulatin lang talaga si Lily o baka naman hindi lang ito maka-get-over sa taglay niyang karisma at hotness.

"Gago ka ba? Ba't ba hilig mo ang manggulat?!" inis na asik ni Lily kay Isaac. Mas lalo pa siyang nainis ng mapansin ang tila pinipigilan nitong tawa, halatang masaya pa ang tukmol na 'to sa nangyari sa kanya? Sa inis niya'y kinuwelyuhan niya si Isaac at inis na sinuntok ito sa panga.

"F-ck!" malutong na mura ni Isaac. Hindi niya inaasahan ang ginawang iyon ni Lily, hindi niya akalaing magaling pala itong sumuntok, take note, halos mabingi siya sa suntok na iyon ng dalaga.

"Aw!" daing ni Lily, mamamatay yata siya sa kunsimisyon sa lalaking 'to. Ang tigas pala ng panga nito, pansin niyang namumula ang kanyang kamao. Sh-t! 

"Why did you punch me?" sapo ang isang panga na hinarap ni Isaac ang nakangiwing mukha ni Lily. Hinimas-himas nito ang nasaktang kamao. 

"At tinatanong mo pa talaga, bwisit ka talaga kahit kailan, mamamatay ako ng wala sa oras sa iyo," inis na turan ni Lily, akmang tatayo na sana siya nang mapa-upo siya ulit sa couch, napangiwi siya, masakit nga pala ang balakang niya. Paano na siya makapupunta sa Montenegro University?

"Hey, Ms. Gamboa. I just want to remind you, ikaw ang dahilan kaya ka nadisgrasya. Aba! kasalanan ko bang ipinanganak akong gwapo, makisig at biniyayaan ng sandamakmak na ka-simpatikuhan? Ang sabihin mo, nagulat ka lang dahil sa ka-gwapuhang taglay ko, ba't hindi mo pa kasi amining kinikilig ka sa akin sa tuwing inaasar kita?" 

Umusok sa inis bigla ang tenga at ilong ni Lily. Sa inis niya'y akmang sasabunutan niya ang binata ngunit hindi iyon abot ng kanyang kamay. At dahil sa sadyang may pagka-disgrasyada rin talaga siya, hindi niya namalayang sa sobrang likot niya'y lumantad sa harapan ni Isaac ang kanyang makinis na dibdib. 

"Wow, what a view?" pilyong tudyo ni Isaac kay Lily. 

Mabilis na kumunot ang noo ng dalaga, sinundan niya ang tingin ng loko-lokong Montenegro. Ngunit halos mapamura siya nang mapansin niyang dumausdos pala ang kanyang damit at lumantad sa harapan nito ang makinis at maputi niyang dibdib. Off shoulder kase ang kanyang suot.

"Pervert!" 

"I'm not! 

"Yes, you are, asshole!"

Nagpakawala ng malutong na halakhak si Isaac. Saka siya tumayo. Sumulyap siya sa kanyang wristwatch at lumingon sa naiinis pa ring si Lily, para bang kakatayin na siya sa mga titig nitong ipinukol para sa kanya. Ngumisi lang siya at kumindat sa dalaga. 

"Next time, sweetheart. Don't forget, babalikan kita para tuparin mo ang ating kasunduan," napalunok si Lily. Sh-t! Kindat pa lang ng damuho nangingisay na sa kilig ang pesteng puso niya. Jusko, marimar!

"Neknek mo!"

Sumilay ang pilyong ngiti sa mga labi ni Isaac. Teasing Lily Gamboa makes his day brighten up. Tumunog ang kanyang cellphone, si Nenia ang nasa kabilang linya, ang kanyang loyal secretary. Sinagot niya agad ang naturang tawag. 

"Yes," sagot ni Isaac sa kanyang sekretarya.

"Sir, may babae po ditong nanggugulo at hinahanap kayo, Febbie daw po ang pangalan," ani ng kanyang sekretarya na halatang hininaan ang boses para siguro hindi marinig ng eskandalusang si Febbie. Sa lahat ng mga babaeng na-link sa kanya ay si Febbie lang ang nanatiling parang linta kung makapag-bakod sa kanya, daig pa ang papel ng asawa.

"Then, do what I've told you, damn!" inis na sagot ni Isaac at mabilis na tinapos ang tawag. 

Inis na tinungo ni Isaac ang kanyang kotse. Imbes na sa distillery ang kanyang tungo ay mas pinili niyang puntahan ang lugar kung saan nandoon ang lahat ng alaala niya para sa babaeng minamahal. He missed her so much. Yvonne, siya ang babaeng tanging minahal ni Isaac. Isang modelo, na mas pinili pa ang career kesa proposal na iniukol niya para dito. 

***

"Here, hot compressed," iniabot ni Meriam kay Lily iyon. 

"Hoy, ikaw ha, akala mo ba nakalimutan ko iyong kiligan na sinasabi mo, ke bata-bata mo pa alam mo na ang ganong bagay? Makinig ka sa akin, Meriam. Ang batang katulad mo ay hindi pa pwede sa mga ganyang bagay, sige ka, isusumbong kita sa daddy at mommy mo," palatak ni Lily kay Meriam na may halong pagbabanta. 

"Hello, you and kuya Isaac are the one who teach me that kilig thing, if you didn't notice ate Lily, nakakakilig kaya ang tandem ninyong dalawa ni kuya Isaac," palatak ni Meriam at humiga sa couch habang inilagay ang earphone sa dalawa nitong tenga.

Nagulat si Lily sa sinabing iyon ni Meriam. Sa inis niya'y kinuha niya ang throw pillow at binato ang pilyang si Meriam. Nagpakawala lang ng malutong na halakhak si Meriam. Hindi maipagkakailang mag-pinsan nga ang mga ito.

"Ako, tigil-tigilan mo ha, at ako pa ngayon ang dahilan at ang pinsan mong tukmol? Iyang cellphone mo dali, patingin ako niya'n, at baka may ka-chat ka ng nanliligaw sayo, alalahanin mo ang ama mo, Meriam, gusto mo bang malintikan ka?" palatak ni Lily sa nakasimangot ng si Meriam. Kahit kailan talaga bungangera ang ate Lily niya.

Tumayo si Meriam at ibinigay ang sariling cellphone kay Lily. Saka niya naalala ang envelope na inabot sa kanya ng kanyang kuya Isaac. Kinuha niya iyon sa glass table at ibinigay kay Lily. 

"Ano 'to?" tanong ni Lily sa dalaga na nakasimangot pa rin. 

"From Montenegro University College," walang-ganang sagot ni Meriam. 

Napaluha sa tuwa si Lily, hindi niya akalaing tutuparin ni Micah ang matagal na niyang pangarap ang makatapos sa pag-aaral. Pangarap niyang maging isang guro, makapag-take ng masteral at maging isang ganap na guro. Isang pangarap na unang binuo nila ng kanyang ina na matagal na ring namayapa. Ulila na siya sa magulang at masaya siya dahil may kaibigan siyang mapagmahal at maunawain.

"Ate, where's my phone?" pukaw ni Meriam sa pagbabalik-tanaw ni Lily sa mga alaala niya noon ng buhay pa ang kanyang ina. Kahit kailan talaga panira ng moment itong supladang Meriam na ito. 

Nagpakawala ng malalim na buntong-hininga si Lily at ibinigay kay Meriam ang cellphone. Ang nararamdaman ni Lily ngayon ay kasiyahan. Darating ang araw na magiging ganap na rin siyang guro. Isang pangarap na tutuparin niya alang-alang sa alaala ng kanyang namayapang ina.

Akmang tatayo ulit sana si Lily nang mapahiyaw siya sa sakit sa kanyang balakang. Damn! Bwisit talagang Isaac na iyon. Kahit kailan talaga pahamak ang tukmol na lalaking iyon sa buhay niya.

"Ate, aakyat na ako sa kwarto. By the way, baka mamaya po darating na din ang toture naming ubod ng taray at strikta, nasa kwarto lang ako kung sakaling hanapin mo ako," paalam ni Meriam sa kanya.

"Sige, hoy! Yung bilin ko sa iyo, ha?" habol ni Lily sa nakangusong si Meriam.

"Oo na ate Lily, at talagang hindi ako ganong tao no! Baka ikaw pa!" mahina lang ang pagkakasabi niyon ni Meriam. Mabuti na lang at hindi iyon narinig ni Lily. Pero totoong boto si Meriam para sa pinsan nitong si kuya Isaac niya para kay Ate Lily niya, sa dami ba namang mga girls na na-link sa kanyang pinsan, si Lily ang da-best dahil sa taglay nitong katapangan at ka-engotan, although kahit ubod ito ng ka-choosyhan.

Ipinilig ni Meriam ang sariling ulo saka siya nagmamadaling pumanhik sa taas, wala pa siya sa saktong edad para makipag-landian. Iyan ang palagi niyang itinatak sa isipan. Ang tipo niyang lalaki ay ang katulad ng kanyang amang si Hugo. Mabait, mapagmahal at higit sa lahat, binibigyan sila nito ng oras kahit gaano pa ito ka-busy.

Nasundan na lamang ng tingin ni Lily si Meriam at saka siya dahan-dahang tumayo. Nakakatulong pala talaga ang hot compressed na ibinigay ni Meriam sa kanya. Ngumiti siyang muli at saka naalala ang nabasa sa laman ng envelope. Hindi pa rin siya makapaniwala. Matutupad na rin ang matagal na niyang pangarap. In God's time. Ang lahat ng bagay na nangyayari sa buhay niya ay buong puso niyang itinitiwala sa Dios.

***

Bumili ng Shih Tzu puppy si Isaac at pinangalanan itong Lily. Excited na siyang makapunta sa mansion ng kanyang tita Micah. Paniguradong mamumula na naman sa inis si Lily sa kanya. Hindi pa man siya nakararating doon ay para na siyang baliw na in-imagine ang namumulang mukha ni Lily.

"Hey, come her, Lily, from now on, you can call me dada, okay?" hinimas-himas ni Isaac ang napaka-cute at nakapanggigigil na Shih Tzu.

Tumahol si Lily at iwinawagayway ang buntot nito, nakadamit ito ng kulay pink at may ribbon pa ang ulo nito na kulay pink rin. Hindi ba't ang cute lang ng aso niya? Naisip ni Isaac kung anong magiging reaksyon ni Lily 'pag nalaman nitong Lily ang ipinangalanan niya sa kanyang aso. Kailangan din niyang gawin iyon para mas maging ganap ang kanilang pagpapanggap. Kitams. Hindi ba ang sweet ng dating ng kanilang pagpapanggap?

Kunti na lang at nasa ika-sampung baitang na ng hagdan si Lily. Gusto na talaga niyang mahiga sa kanyang malambot na kama. Pumikit siya nang biglang makaramdam ng kunting kirot.

Nag-park agad si Isaac sa garage. Nang buksan niya ang kanyang kotse, hindi niya inaasahan ang biglaang pagtalon ni Lily at mabilis ang kilos ng aso na pumasok sa looban ng mansion.

"Aw! aw! aw!" at dahil sa gulat ni Lily sa tumatahol na aso ay aksidenteng na-out of balance siya. Sh-t! Nag-slow-motion iyon sa paningin ni Lily. Saka niya napansin ang nagmamadaling si Isaac na tila sasaluhin siya nito. Gosh! My hero! Ani ng isip ni Lily. Naaalala niya ang mga characters na nababasa niya sa Dreame at Yugto. Ganitong-ganito ang pangyayari, at sasaluhin siya nito, pagkatapos ay magkatitigan sila at maghahalikan. Jusko! Excited na siya. Sh-t!

Ngunit mali ang expectation ni Lily. Mas pinili pa ni Isaac na iligtas ang bwisit na aso kesa sa kanya na tao.

"Aray!" daing ni Lily at muling tumama ang kanyang balakang sa may hawakan ng hagdanan, mabuti nalang at napakapit siyang muli, kung hindi ay baka nagpagulong-gulong na siya sa baba at paniguradong pagtatawanan na naman siya ng pesteng Isaac na 'to.

"Are you okay?" lumapit sa kanya si Isaac. Pinukol niya lang ito ng nakamamatay na tingin. Hindi maipagkakailang pinipigilan nitong bumunghalit ng tawa.

"Sa tingin mong gago ka, okay ako sa lagay kong 'to! At mas inuna mo pa talaga ang aso na 'yan kesa sa akin? Wow! Well, sabagay sino ba naman ako para pagtuunan mo ng special treatment, sana aso na lang ako noh?" sarkastikong palatak ni Lily kay Isaac.

"Well, by the way. Meet Lily, my doggie," umusok ang ilong ni Lily sa narinig at mabilis ang kilos hinampas niya ang binata. Sinabunutan niya ito dahil gigil na gigil na siya sa mga walang kwentang pang-aasar nito sa kanya, sobra na at hindi na rin nakakatuwa.

"Ouch! Aray! Tama na Lily, ouch!" todo ilag si Isaac sa kurot at sabunot ni Lily sa kanya, habang pilyong napapangiti sa namumulang mukha ni Lily dahil sa inis at gigil sa kanya. Lily looks cute when her cheeks turn into red.

"Hey! Stop! Hahalikan talaga kita 'pag hindi ka titigil," banta ni Isaac, mababakas sa kanyang boses ang kakaibang timbre niyon. Tila naman napahinto si Lily. Bwisit!

Ngumisi si Isaac at mabilis na lumayo sa dalaga. Namumula ang braso niya dahil sa mga kurot ni Lily. Pero para sa kanya, balewala iyon. As long na naaasar niya at nakikita ang namumula nitong mukha ay kompleto na ang araw niya. Lily never failed to complete his amazing day na may asaran at kulitan.

"Subukan mo lang at talagang hindi ako mangingiyeming sapakin ka! Bwisit ka talagang lalaki ka! Pati pangalan ko ginamit mo pa sa kalokohan mo, at hindi ka pa nakuntento ginawa mo pa talaga akong aso!? Just wow, Montenegro!" inis na turan ni Lily at mabilis na yumuko siya at kinuha ang suot niyang flat sandals para ibato sa tumatawang sa Isaac.

"Gago!" inis na sigaw ni Lily.

"Thank you, sweetheart, I love you, too," tudyo ni Isaac habang hawak-hawak ang aso nitong Lily kuno ang pangalan.

Napangiwi si Lily sabay hawak sa kanyang balakang. Pucha talaga ang tukmol na lalaking iyon! Sa inis niya'y sumigaw siya ng malakas. Damn it!