#HGDChapter18
Attracted
WALA kaming imikan ni Hurricane hanggang sa makarating kami sa floor ng unit namin. Dire-diretso at walang tingin na nagtungo ako sa unit ko. Napabuntong-hininga ako nang maramdaman ang pagsunod niya sa akin.
Hindi ko alam kung bakit labis na pagkailang ang nararamdaman ko ngayon sa kanya. Hindi ko maipaliwanag ang pagbilis ng t***k ng puso ko sa tuwing magsasalubong ang tingin namin. Kaya nang harapin ko siya ay mabilis akong yumuko.
Inabot ko sa kanya ang coat niya pero tiningnan niya lang 'yon.
"May first aid kit ka ba?"
Umiling ako at ibinaba ang kamay kong nangalay sa pag-abot sa kanya ng coat niya.
"I-I'm fine. G-gusto ko nang magpahinga"
Isinampay ko sa balikat niya ang coat niya at nagtangka nang pumasok sa loob ng unit pero mabilis niyang hinawaka
