Mia
Kaagad nag-complain ang mga kaibigan ni John sa beach resort management tungkol sa nangyari. Galit na galit si Felix at mukhang hindi siya titigil hangga't hindi niya nahahanap kung sino man ang bumaril sa kanya gamit ang pellet.
Namumula at sobra ang pamamaga ng noo niya na ngayon ay nilalapatan lang ng ice pack ng isang nurse dito sa clinic ng resort. Maaawa na sana ako sa kanya ngunit nakita ko kung paano niya titigan ng napakalagkit ang nurse.
Tsk. 'Yan ang nangyayari sa mga manyakis. Mamaya ay hindi lang noo niya ang may tama sa kanya kapag nagpatuloy pa siya sa kamanyakan niya.
"Iwan niyo na ako. Bumalik na kayo do'n. Dito na muna ako," pagtataboy niya sa amin.
"Are you sure?" tanong naman sa kanya ni John na may makahulugang tingin. Lumilipat din kasi ang paningin niya sa
