Mia
Napakagat-labi ako habang pinagmamasdan ko sa harap ng salamin ang nasa anim na pulang marka sa katawan ko, simula sa gitna ng dibdib ko paibaba sa tiyan ko.
Tsk. Hindi tuloy maalis-alis sa isipan ko kung paano niya ito ginawa sa akin. Ang totoo ay hindi ako nakatulog sa buong magdamag habang siya naman ay kuntodo hilik sa tabi ko. Nakanganga pa siya.
Ako naman ay buong magdamag lang nakayakap sa kanya at nakatitig sa mukha niya. Doon ko mas napagmasdan ang hitsura niya. Hindi pala nalalayo ang hitsura niya sa kuya niya lalo na sa tuwing tumatawa siya, parehas silang halos wala ng mata.
Pero magkaiba pa rin ang kakisigan nilang dalawa. May pagka-playboy na badboy ang hitsura ni Ghian, samantalang si Andrei ay nakaka-intimidate kung tumingin. Nakakatakot kapag sumeryoso ang mukha ni
