Nagising si Selena dahil sa malamig na simoy ng hangin. Alas tres na ng madaling araw. Ilang beses na kumurap- kurap si Selena bago niya tuluyang iminulat ang kaniyang mga mata. Nilibot niya ang paningin niya sa paligid kung nasaan siya at saka bigla na lamang siyang napaiyak.
Nakahiga kasi siya sa labas ng bahay ni Xian. Naluluha si Selena dahil hindi siya makapaniwalang nasa labas na siya ng bahay ni Xian. Sinampal niya pa nga ang kaniyang sarili upang masiguro na hindi siya nananaginip.
"Ouch...aray ko..." daing ni Selena nang marahan siyang bumangon.
Masakit ang likod niya dahil dalawang oras na rin siyang nakahiga sa semento. Marahan siyang bumangon at saka pinagpagan ang kaniyang sarili. Pagkatapos ay ilang beses niyang pinagpipindot ang doorbell. Ilang minuto rin ang lumipas nang
