"Selena? Gaga ka! Sa wakas! Pumasok ka na!" naiiyak na sabi ni Dilda sabay yakap kay Selena.
Gumanti rin ng yakap si Selena. At kasabay no'n ang pangingilid ng luha niya. Namiss niya rin ang kaibigan niyang si Dilda. Itong kaibigan niya kasi talaga ang nagbibigay saya sa kaniya. Na kahit puro kalokohan lang ang sinasabi sa kaniya ni Dilda, kapag seryosong sitwasyon ay nakakausap niya ito ng matino.
"Gaga ka! Akala ko hindi na kita makikita pa. Buwisit kasi 'yong mga lalaking dumakip sa amin ni Nike! Binugbog pa nga siya eh," sabi ni Selena.
Kumalas ng pagkakayakap si Dilda sa kaniya. "Bakit? Ano ba talagang nangyari at na- kidnap kayo?"
Bumuntong hininga si Selena bago niya ikinuwento kay Dilda ang nangyari. Habang si Dilda naman ay tahimik lang na nakikinig sa kuwento sa kan'ya ni S
