PASADO ala-una nang natapos ang meeting ng grupo nina Darrina. Maaga sanang natapos ang meeting kung dumating sa oras ang dalawa sa mga kagrupo niya. Doon ay napagkasunduan nila na sila ni Julie ang gagawa ng research works at slide presentation tungkol sa Ergonomics samantalang ang dalawa pa ang sasama sa mga seminars next week at mag-iinterview sa ilang mga presenters.
Alas dos ang simula ng klase niya sa araw na ‘yon at naalala niyang may kailangan pa pala siyang hanaping libro sa library para sa thesis. Kaya nagpaalam agad siyang uuna na sa tatlo.
Inihatid siya ni Julie hanggang sa labas ng gate kung saan matiyagang naghihintay sa kaniya ang bagong lolo na si Dondon. Mula nang bumalik ito ay napansin niyang lagi itong nakatunghay sa cellphone. Nang kaniyang usisain ay agad ipinagmal
