PAGKASINDI ni Joanna sa kandila na itinirik sa tapat ng lapida ni Ivy sa kinaroroonan nitong mausoleum ay naupo siya sa upuan na nakatalaga doon para sa mga dadalaw. Kasama nito sa mausoleum ang lolo’t lola nito sa mother side na pawang sumakabilang buhay na rin. Katulad ng labi ni Ivy ay naka-cremate din ang mga iyon. Sa entrance gate ng pribadong sementeryo na iyon ay hindi nawawalan ng guard, may susi iyon ng bawat mausoleum kaya nakapasok siya sa loob.
Pinaupo niya si Norielle sa kanyang kandungan na isinama niya roon para ipakilala kay Ivy.
“Pasensiya na kung ngayon lang ako nakadalaw sa iyo, Ivy. Last year kasi halos kakaanak ko lang sa inaanak mo.” Wala man si Ivy noong binyagan ang anak niya ay usapan na nila noon na kapag nagkaroon sila ng anak ay Ninang sila ng kanya-kanyang an
