Binilang niya ang mga araw. Dapat noong isang araw pa dumating ang kasintahan niya pero ni isang tawag o text ay wala siyang natanggap mula rito.
“Miss, hindi ito ang edition na hinahanap ko.”
Nagkandamali-mali na siya sa ginagawa.
“Sige, hanapin ko lang.”
Pumunta siya sa reserved section at hinanap ang libro. Sa pangalawang balik niya, maling author na naman ang nakuha niya mula sa shelf.
“Miss naman, eh.”
Kita na ang yamot sa mukha ng lalaking kaharap. Natatanga nga naman kasi siya.
“What’s the matter?”
Nakakaagaw na kasi sila ng eksena kaya, lumapit na si Ma’am Diana. Ito na ang nag-entertain sa lalaki. Pagkatapos ay binalingan siya nito. Pinauwi siya nito nang maaga. Kinuha na niya ang opportunity hindi para magpahinga kundi para dumiretso sa condo ni Rafael. Baka nagkasakit
