"Yong mga toiletries mo, dito nakalagay ha?”
Abala si Contessa sa paghahanda ng mga gamit ni Rafael habang naliligo ito sa banyo. Nang sinabi nito na tutulak ito patungong Cebu ay nagpresenta siyang tutulungan ito sa pag-aayos. Nakagawian na niya iyong gawin kapag may mga lakad ito. Pakiramdam niya kasi may silbi siya kapag nagagawa niya ang mga simpleng bagay na gaya nito para sa nobyo.
“Anong gusto mong pasalubong? Utap, danggit?”
Mahilig siya sa kusina kaya karaniwan ay pagkain ang iniuuwi nito sa kanya. Kagagaling lang nito sa banyo at kasalukuyang nagpupunas ng basang buhok.
“Kahit wala na, basta umuwi ka lang ng safe.”
Kinuha niya ang basang tuwalya at isinampay sa hanger habang ito ay naupo ito sa gilid ng kama at mataman siyang tinitigan.
“Bakit?”
May pakiramdam siya na may
