"Hindi mo kasama si Joaquin lumabas?" Muling sabi nito na parang gustong makatiyak.
"Ano ka ba naman Xavier, para kang bata na paulit-ulit diyan," nagdadabog siyang tumayo, saka pumunta sa cabinet para kumuha ng damit pamalit nito.
"I wanted to be sure, mahirap bang sagutin 'yan?" Lumingon siya dito, and he snapped at her.
"Hindi kami magkasama, itanong mo pa kay Nathan. Bakit gano'n na lang ba ang galit mo sa pinsan mo na 'yun?" Naging maingat na siyang huwag mabanggit ang pangalan ni Joaquin, dahil daig pa nito ang babaeng naglilihi na inis na inis marinig lang ang pangalan ng pinsan. Hindi naman ito ganito kina Apollo, Tyler at Nathan. Hindi pa nga ito nagalit nang malaman na magkasama silang kumain ni Nathan kanina.
"Okay," itinaas pa nito ang isang kamay na parang sumusuko. Lumapi
