◄Nato's POV►
Bukas na ang kasal nila Diana. Akala yata niya ay hahayaan ko lang na matuloy ang kasal na 'yon. Wala silang kaalam-alam na naihanda na namin ang lahat at sisiguraduhin ko na hindi kami ang magiging talunan bukas.
"Yung tali, huwag ninyong kalilimutan ha, siguraduhin ninyo na matibay ang tali na dadalhin ninyo, mas mainam kung lubid para siguradong walang kawala," aniko habang inaayos nila ang helicopter na sasakyan namin bukas.
Napakunot noo naman si Marcus at tinitigan ako. Hindi ko alam kung bakit pero naglakad ito palapit sa akin.
"Aanhin mo ang lubid? Saan mo gagamitin ang lubid?" gulat niyang tanong sa akin.
"Para kay Diana. Itatali ko siya para hindi siya makapag wala sa loob ng helicopter. Kilala ko ang babaeng 'yon, siguradong magwawala 'yon at pipiliting makalab
