ENZO: Mi nena, I'm here at the Burbank Airport right now. I've been booked for the next flight. See you at KaiDa.
Ilang beses nang binasa ni Tasha ang chat na iyon ni Enzo, na siyang na-received niya noong makarating sila sa airport ng Abu Dhabi. Gayunman, ipinadala sa kanya ang mensahe trenta-minutos matapos makalipad ang eroplanong sinakyan nila paalis ng Burbank.
Bumuntong-hininga si Tasha saka itinago ang phone, pumikit at pinilit na umidlip pero hindi niya magawa. Sadyang ginugulo ang sistema niya ng labis na pagtatampo at pag-aalala.
Dapat ay hindi na siya nakararamdam nang ganoon dahil sa chat na iyon ni Enzo. Pero marahil, dismayado siya. Dismayado siya dahil hindi umuwi si Enzo noong gabing umalis ito kasama sina Sevie at ang kambal. Kinabukasan ng kinaumagahan lang ito dumatin
