KUNG BAKIT sumakit bigla ang sentido niya na sinamahan pa ng kung anong pumipiga sa kanyang puso ay 'di niya alam. Iba ang kislap sa mga mata ng kapatid. Kilala niya si Eon. Kilalang-kilala. Lalo na pagdating sa mga babaeng nagugustuhan nito.
Hindi ito iyong tipong hindi nagseseryoso sa babae pero 'pag dumating sa puntong nagmahal ito, mararamdaman iyon ni Enzo — dahil siya ang nagpalaki rito, dahil siya ang kuya nito.
Above all, he loved Eon that much na kahit maski ang pagbahing ng kapatid ay alam niya kung ano ang dahilan.
Ni minsan ay hindi sila nagkahiwalay. Nakita na niya kung paano ito magmahal, kung paano kumislap ang mga mata nito sa isang babae.
Higit sa lahat, alam niya kung ano ang kaya nitong gawin kapag durog na durog ang puso nang dahil lang sa isang babae.
Biglang su
