NAIINTINDIHAN ni Tasha kung saan nanggaggaling ang galit ng iba sa mga kasamahan niya sa bar. Kung bakit nasa kanya ang sisi.
Kung marahil pumasok siya sa Carnales bilang La Mujerzuela, tiyak na hindi na mahihirapan ang mga ito sa paghahabol sa quota. Wala sanang problema. Wala sana sa mga ka-trabaho niya ang galit sa kanya.
Buong buhay ni Tasha ay wala pa siyang nakakaaway. Wala rin sa mga nakakasalamuha niya noon sa Pilipinas ang naasar o nang-away sa kanya. Bukod-tangi lang si Diana na siyang kinalakihan na lang niya.
Kaya marahil, heto siya ngayon, naapektuhan nang husto: nakasuot ng deep V-neck na gintong mermaid gown na ipinahiram sa kanya ni Mei, nakaupo at katabi ang customer na umupa sa kanya —nang anim na oras — para samahan itong maglaro ng poker sa casino na nasa loob lamang
