KASALUKUYANG binabasa ni Enzo ang resumé ni Tasha habang lulan ng kotse papunta sa company building Sevie.
May meeting siya sa isang investor, at siya pa talaga ang ihaharap ng kaibigan. Isang hamak na stockholder lang siya sa kumpanya nito pero kapag may ganoong senaryo, sa kanya agad ang takbo.
Bumuntong-hininga siya, saka binulatlat ang resumé sa pangalawang pahina. Hindi na niya mabilang ang beses na binasa iyon. Kung dati, wala siyang pakialam sa buhay ni Tasha, ngayon ay 'di na siya mapakali. Nalaman niya mula sa babae na pure Mexican din pala ito at sa Mexico ipinanganak. Malakas ang kutob niya na dapat mayroon siyang malaman.
Kay Eon sana siya magtatanong, ngunit hanggang sa kasalukuyan ay hindi pa nagpaparamdam ang kapatid sa kanya. Huling nakita niya ito ay noong birthday pa n
