"ATE! KUMUSTA ka na? Sakto, papunta ako kay Mama ngayon!" Ngiting-ngiti si Balong sa harap ng camera. Halatang naglalakad ito, na paminsan minsan ay nakukuhanan ng video ang nasa likuran at kasama nitong kasambahay.
Noong nakaraang araw — ang araw na dumating siya sa Carnales — pa dapat niya ito tatawagan, pero ang sabi ni Eon: mas maganda kung sa video chat sila mag-uusap ni Balong.
Nasabi sa kanya ng lalaki na ipapa-set-up pa ang internet sa bahay na tinutuluyan ng mga ito kaya natagalan nang dalawang araw bago niya nakausap ang kapatid.
Masaya si Balong. Iba ang kinang sa mga mata nito. Nang dahil doon, napangiti na si Tasha.
"Okay naman ako. Kayo? Kumusta na?" Sumandal siya sa headboard ng kama.
Gabi man sa lugar kung saan siya naroroon, tanghaling tapat naman sa Pilipinas kaya na
